ᐃᓅᓯᓕᕆᔨᑦ

ᐊᕐᕕᐊᓂ ᐃᓅᓯᓕᕆᓂᖅ ᖃᓄᐃᖏᑎᐊᕐᓂᕐᒧᓪᓗ ᐱᓕᕆᔨᑦ ᑲᑎᒪᔨᐊᓛᖏᑦ ᐊᕐᕕᐊᑉ ᕼᐋᒻᓚᖏᓐᓂᒃ ᐃᓱᒪᑕᖃᕐᖢᑎᒃ. ᐱᓕᕆᐊᖃᖅᐳᑦ ᓄᓇᓕᐅᑉ ᐃᓅᓯᖃᑎᐊᕐᓂᖓᓂᒃ ᐅᖃᖃᑎᖃᕐᖢᑎᒃ ᐊᕐᕕᐊᕐᒥᐅᓂᒃ ᖃᓄᐃᑕᐃᓕᓂᕐᒧᑦ ᐸᕐᓇᐅᑎᑦ ᒪᓕᒃᖢᒋᑦ. ᐊᒻᒪ ᓱᓕ, ᐃᓅᓯᓕᕆᔨᑦ ᐱᓕᕆᐊᒃᓴᓄᑦ ᑮᓇᐅᔭᖃᖅᑎᑦᓯᕗᑦ ᒪᒃᑯᓂᖓ; ᐊᖓᔪᖄᑕᐅᓂᕐᒧᑦ, ᐃᒐᔪᓴᓂᕐᒧᑦ, ᒪᖃᐃᓐᓂᕐᒥᒃ ᐃᓕᓐᓂᐊᖅᑎᑦᓯᓂᕐᒧᑦ, ᐊᔨᒌᖏᑐᓂᒡᓗ ᖃᐅᔨᓴᕐᓂᕐᒧᑦ ᐱᓕᕆᐊᖑᔪᓂᒃ.   

ᐅᑯᐊ ᐅᑉᓗᒥ ᐊᕐᕕᐊᒥ ᐊᓐᓂᐊᖅᑕᐃᓕᑎᑦᓯᔨᑦ ᑲᑎᒪᔨᖏᑦ:

ᐃᐊᕆ ᐊᓄᑏ (ᐃᓱᒪᑕᖅ), ᐃᓕᓴᐱ ᐃᓴᑭᔮᖅ, ᑯᕆᔅ ᒥᑭᔪᖏᐊᖅ, ᑐᐊᕐᑎ ᐊᒡᓘᑲᖅ, ᓲ ᐴᓪ, ᑕᒫ ᒧᕐᔪᖕᓂᖅ ᐊᒻᒪ ᓲᓪᓕ ᑕᕋᓕᒃ.  

ᐱᓕᕆᐊᒃᓴᖏ:

ᑐᕌᒐᖃᓗᐊᕐᓂᐊᖅᐳᒍᑦ ᓄᓇᓕᐅᑉ ᐃᓅᓯᖃᑎᐊᕐᓂᖓᓂᒃ ᑐᖓᕕᒋᓕᕐᓗᒍᓗ, ᐃᖕᒥᓂᒃ ᐃᓅᔪᖕᓇᕐᓂᕐᒥᒃ, ᐊᓯᒥᖕᓂᒃ ᐅᔨᕈᓱᖕᓂᕐᒥᒃ, ᐃᑲᔪᕈᖕᓇᕐᓂᕐᒥᒡᓗ ᐃᓅᖃᑎᒥᖕᓂᒃ ᐃᓚᒌᓂᒡᓗ.   

ᐃᑲᔪᖅᑐᐃᓂᐊᖅᐳᒍᑦ ᐃᓅᓯᕐᒥᒃ ᐊᔪᕐᓇᖏᑦᑐᒥᒃ ᐃᓚᒌᑦᑎᐊᕐᓂᕐᒥᒡᓗ ᐃᓄᐃᑦ ᓯᕗᓪᓕᐅᑎᓪᓗᒋᑦ ᐃᖕᒥᖕᓂᒃ ᐃᓅᔪᖕᓇᖅᓯᖁᑉᓗᒋᑦ ᐃᓅᓯᖃᑎᐊᕐᓂᕐᒥᒃ ᖃᐅᔨᒪᓗᑎᒃ ᐊᓯᖏᓐᓄᑦ ᐃᓚᐅᔪᖕᓇᕐᖢᓂ ᐊᒻᒪ ᓄᓇᓕᖕᒥ ᐃᑲᔫᑎᓂᒃ ᐊᑐᕈᖕᓇᕐᓗᓐᓂ.   

ᐃᑲᔪᖅᑐᐃᓂᐊᖅᐳᒍᑦ ᐃᓕᓐᓂᐊᖅᐸᓕᐊᓂᕐᒥᒃ ᑲᔪᓯᔪᒥᒃ ᐃᓄᐃᑦ ᐃᓕᑦᑎᓯᒪᓗᑎᒃ ᐊᑐᕈᖕᓇᖅᑕᒥᖕᓂᒃ ᐱᓕᕆᐊᕐᓄᑦ ᐃᖕᒥᖕᓂᒃ ᐃᓅᔪᖕᓇᓕᖁᑉᓗᒋᑦ ᐊᔪᖁᖕᓇᕐᓗᑎᒡᓗ ᐃᓕᖁᓯᕐᒥᖕᓂᒃ ᐊᑐᖅᑐᐃᓇᕐᓗᑎᒃ, ᐃᓅᑎᐊᕐᓂᕐᒥᒃ ᐊᒻᒪ ᐅᖃᐅᓯᕐᒥᖕᓂᒃ.   

ᐃᖕᒥᖕᓂᒃ ᐃᓅᔪᖕᓇᕐᓂᕐᒥᒃ ᐃᑲᔪᖅᑐᐃᕗᒍᑦ ᓄᓇᓕᐅᑉ ᐱᖁᑎᖏ ᐊᑐᕐᓗᒋᑦ ᐋᕿᒃᓯᒪᔪᑦ ᐃᓄᖕᓂᒃ ᐃᓅᓯᖃᑎᐊᕐᓂᕐᒥᒃ ᐱᓕᕆᖃᑎᒌᖕᓂᑯᑦ, ᐃᑲᔪᖅᑎᒌᖕᓂᑯᑦ ᐊᒻᒪ ᐊᑐᒐᒃᓴᓂᒃ ᐱᕚᓪᓕᕐᓇᖅᑐᓂᒃ ᐊᑐᕈᕐᓇᕐᓗᑎᒃ ᖃᓄᐃᖏᑎᐊᕐᓂᕐᒧᑦ ᐃᓅᑎᐊᕐᓂᕐᒧᓪᓗ ᓄᓇᓕᖕᒥᐅᓗᒃᑖᓄᑦ.   

ᐸᕐᓇᐅᑎᑦ, ᐅᓂᑉᑳᑦ, ᖃᐅᔨᓴᕐᓂᕐᓗ 

ᐊᕐᕕᐊᑉ ᓄᓇᓕᖏᑕ ᐊᓐᓂᐊᖅᑕᐃᓕᓂᕐᒧᑦ ᐃᓅᓯᖃᑎᐊᕐᓂᕐᒧᓪᓗ ᑲᑎᒪᔨᐊᓛᖏ ᐃᓚᐅᓯᒪᕗᑦ ᐱᕙᓪᓕᐊᓂᖏᓐᓂᒃ ᐊᑐᓕᖅᑎᑕᐅᓂᖏᓐᓂᒡᓗ ᐅᑯᐊ: 

ᐊᕐᕕᐊᑉ ᓄᓇᓕᖓᑕ ᐃᓅᓯᖃᑎᐊᕐᓂᖓᓄᑦ ᐱᓕᕆᐊᒃᓴᑦ 

ᐊᕐᕕᐊᕐᒥᐅᑦ ᖃᓄᐃᖏᑎᐊᕐᓂᕐᖓᓄᑦ ᐸᕐᓇᐅᑎᓕᐅᕐᓂᖅ 

ᐊᕐᕕᐊᒻᒥ ᐃᓄᓕᕆᔨᑦ ᐅᑭᐅᓐᓂᒃ ᐱᖓᓱᓂᒃ ᓄᓇᓕᖕᒧᑦ ᐸᕐᓇᐅᑦ  

ᓄᓇᓕᖕᒥ ᐃᒐᓂᕐᒥᒃ ᐱᓕᕆᐊᖅ 

ᓄᓇᓕᖕᒥ ᐃᒐᓂᕐᒥᒃ ᐱᓕᕆᐊᖅ ᐅᑉᓗᓂᒃ ᐱᖓᓱᓂᒃ ᓴᓇᑕᐃᓕᑉ ᐊᑯᓐᓂᖓᓂ ᐃᓕᓐᓂᐊᕐᓂᖅ ᐊᕌᒍᓗᒃᑖᒻᒥ ᑮᓇᐅᔭᑲᖅᑎᑕᐅᑉᓗᓂ ᐃᓄᐃᑦ ᓂᕿᖏᑦ ᐊᑐᒐᑉᓗᑎᒃ. ᐃᓕᓐᓂᐊᕈᑎᑦ ᐃᒐᓂᕐᒧᑦ ᐊᑐᕐᓗᑎᒃ ᑐᒃᑐᓂᒃ, ᐃᖃᓗᓕᐅᕐᓂᕐᒥᒃ, ᓇᑦᑎᓕᐅᕐᓂᕐᒥᒃ, ᓂᕐᔪᑎᓂᒡᓗ ᒥᑭᔪᓂᒃ, ᑮᓇᐅᔭᓂᒃ ᓂᕿᑖᕈᑎᒃᓴᓂᒃ ᐃᓱᒪᓕᐅᕐᓂᕐᒥᒃ, ᓂᕿᓂᒃ ᐊᒍᐃᓂᕐᒥᒃ ᐃᒑᒃᓴᓕᐅᕐᓂᕐᒥᒃ, ᑮᓇᐅᔭᓂᒃ ᐊᑐᓗᐊᖏᓂᕐᒥᒃ. ᐃᓕᓂᐊᕐᓃᑦ ᑕᒪᕐᒥᒃ ᐃᓚᖃᕐᖢᑎᒃ ᐅᕙᒍᓄᑦ ᐅᑉᓚᓗᕋᕐᓂᕐᒥᒃ ᐃᒐᖃᑎᖃᕐᖢᓂ ᐃᓚᐅᔪᓂᒃ ᐅᕙᒍᒥᖕᓂ. 

ᑐᑭᓯᓱᐊᕈᕕᑦ ᐃᓅᓯᖃᑦᑎᐊᕐᓂᕐᒥᒃ ᐱᓕᕆᔨᓂᒃ ᐅᖃᓗᒡᓗᑎᑦ 857-2159.